फिदिम, पाँचथर ।

Nepalitheme

पाँचथर जिल्लामा आयोजित प्रथम राष्ट्रिय चासोक बुद्धिचाल रेटिङ खेल प्रतियोगितामा ललितपुरका रुपेस जैसवाल प्रथम भएका छन्। उनले नौ राउण्डको खेलमा ८ अंक जोडेका थिए। झापाका सुश्री दाहालले ७.५ अंक ल्याएर दोस्रो स्थान हासिल गरे भने खोटाङका धिरेन राईले ७ अंकसहित तेस्रो स्थानमा रहे।
तीनै विजेताले क्रमशः ३० हजार, २५ हजार, र १८ हजार नगद पुरस्कारसहित मेडल, ट्रफी, र प्रमाणपत्र प्राप्त गरेका छन्।

चौथो स्थानमा दमकका राजन सुवेदीले १४ हजार नगद, मेडल, र प्रमाणपत्र पाए भने पाँचौं स्थानमा काठमाडौंका नविन तन्दुकारले १२ हजार नगदसहित मेडल र प्रमाणपत्र प्राप्त गरे। धरानका चूडामणि राई छैटौं, दमकका प्रकाश चन्द नेपाल सातौं, दमककै कृश अधिकारी आठौं, विराटनगरका उमेश राई नवौं, र दमकका सुमन श्रेष्ठ दशौं भएका छन्। उनीहरूले क्रमशः १० हजार, ८ हजार, र ७ हजार नगदसहित मेडल र प्रमाणपत्र प्राप्त गरेका छन्।

ऊनको स्वीटर टेजर

विधागत विजेताहरू

  • हिलसाइड विधा: पाँचथरका रिजेन थापा
  •  इलो रेटिङ: धरानका नेत्र छन्त्याल
  • पाँचथर प्रथम: पाँचथरका गगन लावती
  • पाँचथर दोस्रो: पाँचथरका महेन्द्र सम्बाहाम्फे
  • अनुशासन पुरस्कार: ताप्लेजुङका सन्तोष पालुङवा
  • अन्डर रेटेड: ताप्लेजुङका मनिष हेल्लोक
  • फिदिम प्रथम: फिदिमका विजयबोध लावती
  • महिला विधा: झापाकी कृतिसारा अधिकारी
  • भेटेरन्स विधा: झापाका डिकेश्वर थापा
  • फिदिम दोस्रो: फिदिमका दिनेश भट्टराई
  • जनप्रतिनिधि विधा: फिदिमका प्रेमराज फोम्बो
  • महिला प्रथम (जनप्रतिनिधि): फिदिमकी सेसेना चेम्जोङ
  • १५ वर्ष मुनि: ताप्लेजुङका अर्पण भट्टराई

 

प्रतियोगितामा देशभरबाट ८२ जना खेलाडी सहभागी भएका थिए, जसमा चार महिला खेलाडी पनि थिए। प्रतियोगिताका विजेताहरूलाई कोशी प्रदेशका पूर्वमन्त्री बलबहादुर साम्सोहाङ, फिदिम नगरपालिकाका प्रमुख मित्रप्रसाद काफ्ले र उपप्रमुख राधाकृष्ण न्यौपानेले पुरस्कार वितरण गरेका थिए।

पाँचथर बुद्धिचाल संघद्वारा आयोजित प्रतियोगिता पुस ५ गते सुरु भई ७ गते सम्पन्न भएको थियो। संघका अध्यक्ष विजयबोध लावतीका अनुसार यो प्रतियोगितामा चार राष्ट्रिय खेलाडीको समेत सहभागिता रहेको थियो।

समापन कार्यक्रममा प्रमुख अतिथि नगरप्रमुख मित्रप्रसाद काफ्लेले आगामी दिनमा बुद्धिचाल प्रतियोगितालाई अझ व्यवस्थित रूपमा अगाडि लैजाने प्रतिबद्धता व्यक्त गरे। कार्यक्रममा विशेष अतिथि पूर्वमन्त्री बलबहादुर साम्सोहाङ र उपप्रमुख राधाकृष्ण न्यौपानेको उपस्थिति रहेको जानकारी संघका सचिव नन्द कुरुम्वाङले दिए।

 

प्रतिक्रिया

सम्बन्धित खवर

ताजा समाचार

लोकप्रिय