पहिचानवादी मोर्चाको पाँचथरमा कुरुम्वाङको अध्यक्षतामा समिति गठन, कार्यलय डा.लावतीद्वारा उद्धाटन

पाँचथर ।

पहिचानवादी मोर्चाले पाँचथरमा समिति गठन गरेको छ। फिदिम स्थित मनस्वि होटलको हलमा प्रथम भेला गर्दै समिति निर्माण गरेको हो। जिल्लामा दिलेन्द्र कुरुम्वाङको अध्यक्षतामा ५७ जना सदस्यसहित समिति गठन गरेको छ।

आइतबार मोर्चाका केन्द्रिय अध्यक्ष प्रा.डा. महेन्द्र लावती फिदिम आएर हुलाक लाईनमा अवस्थित निर्वाचन कार्यलयदेखि दायाँ पट्टिको निशा तामाङको घरमा दुईवटा कोठा भाडामा लिई मोर्चाको कार्यलय निर्माण गरेको छ। त्यस कार्यलय पनि डा.लावतीद्वारा उद्धाटन गर्नु भएको थियो।

एक महिना अगाडि जनता समाजवादी पार्टी (जसपा) नेपाल असन्तुष्टि जनाउँदै पहिचानवादी मोर्चा घोषणा गरेको थियो। संघीय लिम्बुवान पार्टी नेपालबाट जसपा नेपालमा समाहित भएका सबै नेताहरुले जसपा छाडेर मोर्चामा समाहित भएको थियो।

डा. लावतीले जिल्ला भेलालाई सम्बोधन गर्दै पुराना दलहरूले देशमा भ्रष्टाचार कायमै राखेको आरोप लगाए । देश गरिबीको कारण दिनका दिन हजारौं युवाहरु देशमा रोजगार नभएपछि विदेश पलायन हन पर्ने बाध्यता छ। उनीहरुलाई देशमा रोजगारको सिर्जना गर्ने र भ्रष्टाचार न्यूनीकरण बनाउनको लागि अब सबै युवाहरु एक भएर मोर्चामा आवद्ध हुनुपर्ने बताए।

उनले भने नेपालमा सदियौँदेखि एकल जातीय राज्य स्थापित भएको र अहिले पनि त्यो कायमै रहेको उनको भनाइ छ । उनले नेपाली राज्य बहुजातीय हुनुपर्ने र सबैको पहिचान स्थापित हुनुपर्नेमा जोड दिएको बताए । हामी देश जिम्मा लिने गरि मोर्चा गठन गरेको हौं । दुईचार वटा सिटको लागि लोभ गरेको छैनौं । देश हामीले लिएपछि समृद्धि र शुखी नेपाल हुने छ’। अबको एक वर्षपछि मोर्चालाई दलको रुपमा दर्ता गर्ने र ८४ सालमा आफ्नो दलबाट उम्मेद्बारी दिने बताउनुभयो ।

कार्यक्रममा जिल्लाको विभिन्न गाउँपालिकाबाट ८० जनाभन्दा धेरै उपस्थित भए। याङ्वरक गाउँपालिका, फाल्गुनन्द गाउँपालिका-१ र तुमेवा गाउँपालिकाबाट पूर्व जसपाबाट मोर्चामा समाहित भएको बताए।

तस्विरहरु..