पाँचथर। पाँचथरको फिदिम नगरपालिका–१० याङनाममा यही चैत २७ गतेदेखि वैशाख २ गतेसम्म आयोजना हुन गइरहेको याङनाम गोल्डकप फुटबल प्रतियोगिताको तेस्रो संस्करणको खेल तालिका सार्वजनिक गरिएको छ।
आयोजक याङनाम फुङनाम मेला मूल आयोजक समितिले फिदिममा पत्रकार सम्मेलन गर्दै प्रतियोगिताको खेल तालिका सार्वजनिक गरेको हो। तालिका अनुसार, उद्घाटन खेलमा चैत २७ गते युनाइटेड एफ.सी पाँचथर र तिजोक युवा क्लब भिड्नेछन्। दोस्रो दिन चैत २८ गते फिदिम स्पोर्टिङ क्लब र टु स्टार सिर्जनशील क्लब आमनेसामने हुनेछन्।
तेस्रो खेल चैत २९ गते आयोजक याङनाम एफ.सी र न्यु पाथीभरा स्पोर्टिङ क्लब, काठमाडौंबीच प्रतिस्पर्धा हुनेछ भने अन्तिम सेमिफाइनल खेल चैत ३० गते फुलबारी एफ.सी फाक्तेप र ब्वाइज युनियन पाँचथरबीच हुनेछ। प्रतियोगिताको फाइनल खेल वैशाख २ गते आयोजना हुनेछ।
प्रतियोगिता फिदिम माविको खेलमैदानमा सञ्चालन हुनेछ। विजेता टिमले उपाधिसहित २ लाख ३ हजार ३ सय ३३ रुपैयाँ प्राप्त गर्नेछ भने उपविजेता टिमले १ लाख ३ हजार ३ सय ३३ रुपैयाँ पुरस्कार पाउनेछ।
प्रतियोगितामा ‘म्यान अफ द म्याच’, ‘हाई स्कोरर’, ‘बेस्ट गोलकिपर’, ‘बेस्ट डिफेन्डर’, ‘राइजिङ प्लेयर’ र ‘बेस्ट प्लेयर’ विधामा समेत पुरस्कारको व्यवस्था गरिएको आयोजक समितिका अध्यक्ष उपेन्द्र येक्तेनले जानकारी दिए।
यसैगरी, वैशाख १ गते बरदान संगीतालय र याक्थुङ्स ब्याण्डको विशेष सांगीतिक कार्यक्रम समेत आयोजना गरिने आयोजकले जनाएको छ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
प्रतिक्रिया
सम्बन्धित खवर
