
पाँचथर । लिम्बू सांस्कृतिक कथामा आधारित म्युजिक भिडियो सुनौली रुपौली (जारी 0.2) शुक्रबार बेलुका ४:१५ बजे गायक गोबिन्द्र लिम्बूको आधिकारिक युट्युब च्यानलबाट सार्वजनिक भएको छ।
पाँचथरको याङ्वरक–३, ओयमा दुई हप्ता अघि छायांकन गरिएको यो म्युजिक भिडियो अहिले सार्वजनिक भएको हो। गीतमा गायक गोबिन्द चेम्जोङ लिम्बू र विमन्ता लिम्बूको स्वर रहेको छ। भिडियोमा डोना थापा, अप्सु बाजी लिम्बू, फुङ्सो जबेगू लिम्बू, कोकु, सुरेन्द्र शिशिर केरुङ र राजेन्द्र कुमार जबेगूको मुख्य अभिनय रहेको कलाकार फुङ्सो जबेगूले जानकारी दिए।
गीतको निर्देशन उत्तम योङ्हाङ लिम्बूले गरेका हुन् भने छायांकन सनम तामाङले गरेका छन्। यसअघि सुनौली रुपौली (जारी) भाग १ पनि पाँचथरमै छायांकन गरिएको थियो। हाल सार्वजनिक भएको भिडियो उक्त श्रृंखलाको दोस्रो भाग हो।
भिडियो हेर्नुस्