सङ्खुवासभा । पूर्वी पहाडी जिल्ला सङ्खुवासभाको मकालु गाउँपालिका–३, सिद्धानेखर्कमा चट्याङ लागेर ४० भेडाको मृत्यु भएको छ।
जिल्ला प्रहरी कार्यालय सङ्खुवासभाका प्रहरी निरीक्षक रामकुमार लामिछानेका अनुसार मकालु-३, सिम्माका टेकबहादुर मेघीको भेडीगोठमा परेको चट्याङका कारण ४० भेडा मरेका हुन्।
शुक्रबार राति १२ बजे वर्षासँगै परेको चट्याङले गोठमा रहेका २५० भेडामध्ये ४० भेडा मारेको प्रहरी निरीक्षक लामिछानेले बताए। रातिको समयमा हावाहुरीसँगै परेको असिनासहितको चट्याङले भेडा एकै ठाउँमा मरेका हुन्।
चट्याङका कारण लाखौँ रुपैयाँ बराबरको क्षति भएको अनुमान गरिएको छ। घटनास्थल इलाका प्रहरी कार्यालय हेदाङनाबाट करिब सात घण्टाको पैदल दूरीमा रहेकोले क्षतिको विस्तृत विवरण संकलन कार्य जारी रहेको प्रहरीको भनाइ छ। थप अनुसन्धान तथा विवरण संकलनका लागि इलाका प्रहरी कार्यालय हेदाङनाबाट प्रहरी टोली घटनास्थलतर्फ गएको छ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
प्रतिक्रिया
सम्बन्धित खवर
