सप्तकोशी नदीमा यात्रुबस खस्यो

विराटनगर । विराटनगरबाट हिँडेको यात्रुबहाक बस सप्तकोशी नदीमा खसेको छ । केही बेरअघि कोशी ब्यारेजको पुलबाट बस खसेको जानकारी आएको सुनसरी प्रहरीले जनाएको छ ।

यात्रुसहित बस सप्तकोशी नदीमा खसेको जानकारी आएपछि आफूहरु घटनास्थलतर्फ जाँदै गरेको सुनसरीका प्रमुख जिल्ला अधिकारी रामचन्द्र तिवारीले जानकारी दिए । साँझ ६ः०५ बजेतिर बस खसेको अनुमान छ ।

बस अनियन्त्रित भएर पुलको बार भत्काउँदै नदीमा खसेको प्रहरीले जनाएको छ । घटनामा भएको क्षतिको विवरण आइसकेको छैन ।