फिदिममा प्रचण्ड, उर्लियाे जनलहर (तस्बिरहरू)

पाँचथर । नेपा

ल कम्युनिस्ट पार्टी (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’को प्रमुख आतिथ्यतामा पाँचथरको फिदिममा आयोजित विशाल आमसभा सम्पन्न भएको छ।

आमसभामा जिल्लाका आठवटै स्थानीय तहबाट माओवादी कार्यकर्ताहरूको ठूलो सहभागिता रह्यो। आयोजकका अनुसार झण्डै ९ हजारभन्दा बढी कार्यकर्ताको उपस्थिति रहेको थियो। आमसभामा नेपाली कांग्रेस, नेकपा एमाले, जनता समाजवादी पार्टीलगायत विभिन्न दलबाट ५ सयभन्दा बढी नेता तथा कार्यकर्ताले माओवादी प्रवेश गरेका छन्। यो जानकारी माओवादी केन्द्रका जिल्ला संयोजक विशाल रसाइलीले दिएका हुन्।

अध्यक्ष प्रचण्ड शनिबार दिउँसो १२ः३० बजे हेलिकप्टरमार्फत काठमाडौंबाट फिदिमको साम्दिनस्थित नेपाली सेनाको क्याम्पमा अवतरण गरेका थिए। आमसभालाई भव्य बनाउन फिदिम बजारका तीनवटै दिशाबाट र्‍याली निकालिएको थियो।

सनिबारेको फाल्गुन्द चोकबाट केन्द्रिय सदस्य तथा प्रदेशसभा सदस्य इन्द्रबहादुर आङ्बो ‘मौसम’को नेतृत्वमा, आहाल गैरीबाट प्रदेश अध्यक्ष हर्कबहादुर नेम्वाङ ‘मिक्सो’को नेतृत्वमा, र वरडाँडा हुलाकलाइनबाट लेखा केन्द्रिय सदस्य नरबहादुर दुलाल ‘नेट्वोर्क’को नेतृत्वमा र्‍याली फिदिमतर्फ अघि बढाइएको थियो।

आमसभामा स्वागत मन्तव्य जिल्ला संयोजक रसाइलीले दिएका थिए भने कार्यक्रमको अध्यक्षता माओवादी केन्द्रकी केन्द्रिय सदस्य तथा पाँचथर इञ्चार्ज सीता थेवे ‘प्रमिला’ले गरेकी थिइन्।

[तस्बिरहरू…]