पाँचथर।
पाँचथरको फालेलुङ ५ डाँडागाउँमा गत बिहिबार भएको बम विस्फोटमा २ बालक घाइते भएका छन्।
पवन राई र दिप्सन राई नामका यी दुई बालकलाई थप उपचारका लागि काठमाडौंको बर्न हस्पिटलमा पठाइएको छ। जिल्ला प्रहरी कार्यालय पाँचथरका प्रमुख डिएसपी हेमन्त भण्डारीका अनुसार, पवन राईलाई शुक्रबार र दिप्सन राईलाई शनिबार पाँचथर अस्पतालबाट कोशी अस्पताल विराटनगरमा पठाइएको थियो।
अविभावकहरूले उपचार प्रक्रिया पूरा नगरी पाँचथर फर्काएपछि पवनको घाउमा संक्रमण देखिएकोले जिल्ला अस्पतालका चिकित्सकहरूले उनलाई थप उपचारको लागि सुविधासम्पन्न अस्पतालमा पठाउने सुझाव दिएका थिए।
साथै, विस्फोटमा परी दिलिप साँबाको २ वर्षीय छोरी पिन्शा सावाँ र ११ वर्षीय दिप्शन सावाँको मृत्यु भएको छ। पिन्शा सावाँको इलाम पुग्नुअघि बाटोमा र दिप्शन सावाँको झापाको बि एण्ड सि अस्पताल बिर्तामोडमा उपचारको क्रममा निधन भएको बताइएको छ।
यो घटनाले स्थानिय समुदायमा ठूलो दुःख र चिन्ता निम्त्याएको छ।
यो खबर पढेर तपाईलाई कस्तो महसुस भयो ?
खुशी
६%
६%
अचम्म
०%
०%
उत्साहित
१९%
१९%
दुखी
६९%
६९%
आक्रोशित
६%
६%
