नो केबलकार पक्षले अहिलेको सरकारी टोलीसँग वार्ता नगर्ने

‘वार्ता र संवादको माध्यमबाट समस्या समाधान गरिनुपर्छ भन्नेमा हामी सदैव सकारात्मक र जिम्मेवारीपूर्ण ढंगबाट भूमिका निर्वाह गर्न प्रतिबद्ध छौँ । तसर्थ  माथिका सर्तहरु पूरा भएपछि हामी परिणाममुखी वार्तामा सामेल हुनेछौँ । वार्ताको लागि वार्ता होइन, अधिकारसम्पन्न वार्ता समितिसँग निष्कर्षसहितको परिणाममुखी वार्तामा बसौँ,’ आन्दोलनरत पक्षले जारी गरेको विज्ञप्तिमा उल्लेख छ ।

आन्दोलनरत समूहका नेता डकेन्द्रसिंह थेगिमले आफूहरू मन्त्रीस्तरीय टोलीसँग मात्रै वार्तामा बस्ने बताए । यस्तै संघीय लोकतान्त्रिक राष्ट्रिय मञ्चका अध्यक्ष कुमार लिङ्देनले पनि सरकारले कर्मचारीको नेतृत्वमा बनाएको वार्ता टोलीले समाधान दिन नसक्ने भएकाले वार्तामा बस्नुको औचित्य नहुने बताए । उनले पनि वार्तामा बस्नका लागि मन्त्रीस्तरीय वार्ता टोली बनाउनु पर्ने र केबलबार निर्माणको काम रोक्नुपर्ने आफूहरूको बटमलाई रहेको बताए । ‘आन्दोलनकारीको तर्फबाट हामीले क्याबिनेट मन्त्रीस्तरीय वार्ता टोली बनाउनु पर्छ भनेका छौँ । अर्को केबलकार निर्माणको काम रोक्नुपर्छ भनेका छौँ,’ लिङ्देनले भने, ‘सरकारले केबलकार निर्माणको काम रोकेको भनेको छ । अब मन्त्रीस्तरीय वार्ता टोली बनाउनु पर्छ ।’ आन्दोलनरत पक्षले भने सरकारी वार्ता समितिले विगतमा ६ बुँदे सहमति गरेको भए तापनि तिनको इमान्दारपूर्वक पालना नगरेको आरोप लगाएको छ ।