‘टुटेको तारा’ बोलको गीतको म्युजिक भिडियो सार्वजनिक (भिडियो सहित)

पाँचथर । आशिष् चाम्लिङ राईको संगीत र स्वरमा रहेको ‘टुटेको तारा’ बोलको गीतको म्युजिक भिडियो बुधबार (आज) साँझ ५ बजे सार्वजनिक भएको छ।

सुरज तामाङको शब्दमा तयार भएको यो गीत गायक चाम्लिङकै अफिसियल युट्युब च्यानल (Aasish Rai Official) मार्फत सार्वजनिक गरिएको हो। यस गीतमा संगीत र स्वर दुवै आशिष् चाम्लिङ राईकै रहेको छ।

म्युजिक भिडियोमा युगल योङहाङ लिम्बू र गंगा सेम्बु लिम्बूको अभिनय देख्न सकिन्छ। आधुनिक शैलीको यस गीतलाई गायक चाम्लिङले केही समयअघि अडियो मात्र सार्वजनिक गरेका थिए। अहिले भने भिडियोसहित सार्वजनिक गरिएको हो।

पूर्वेली तार सिजन १ का विजेतासमेत रहेका चाम्लिङ पाँचथरको फालेलुङ गाउँपालिका–६ निवासी हुन्। हाल रोजगारीका लागि दक्षिण कोरियामा रहेका उनले प्रवासमै रहेर गीतको निर्माण र प्रकाशन गराएका हुन्।

भिडियो हेर्नुस